Este mural representa a miña primeira experiencia no campo do muralismo. A obra desenvólvese horizontalmente, adaptándose á arquitectura do espazo e integrando os elementos estruturais do muro na composición.

 

A proposta foi concibida en diálogo co cliente, adaptándose ás súas peticións e aos cambios xurdidos durante o proceso. Este intercambio permitiu axustar a obra ás necesidades do comitente e ao seu contexto, sen perder a coherencia visual nin a intención artística inicial.

 

A escena estrutúrase arredor dunha figura infantil á esquerda, cuxa mirada dirixe o espectador cara ao resto do mural. Esta viaxe visual complétase coa representación de fogos artificiais, que engaden dinamismo e continuidade.

 

O mural foi creado para unha empresa dedicada á pirotecnia, polo que a iconografía e o uso da cor foron deseñados de acordo coa súa actividade.